Versli, Liedli

Kurse
C / D / U


babadi-Boogie (Afang C / D / U)

Mer hebed d'Hand en Chreis ond weder druus,
dri, druus, dri, druus, schöttle no echli,
das esch de babadi-Boogie, schubi du-a,
ufe, abe, (ond) tscha-tscha-tscha.

Mer hebed di ander Hand / de Fuess / de Buuch / s'Födli / s'Muul / d'Nase ...
 

S'babadi esch jetzt fertig (Ändi C / D / U)

S'babadi esch jetzt fertig, mer gönd hei, (klatschen)
s'babadi esch jetzt fertig, mer gönd hei, (klatschen)
s'babadi esch jetzt fertig, müed send oisi Arm ond Bei,
s'babadi esch jetzt fertig, mer gönd hei (klatschen).
 

Chömed mer tüend (C / D / U)

Chömed mer tüend gompe, gompe, gompe,
chömed mer tüend gompe, alli metenand.

  • ois treie
  • schprötze
  • blöterle
  • s'Muul verschteke ...
     

    • De Schriinermeischter

    Es räägelet, es räägelet, de Schriinermeischter säägelt,
    es tröpfelet, es tröpfelet, de Schriinermeischter chlöpfelet,
    es güüst, es güüst, de Schriinermeischter nüüst, ha - ha - hatschi!
     

    Räge, Räge, Tröpfli

    Räge, Räge, Tröpfli, es rägnet of mis Chöpfli,
    es werded Boim ond Blüemli nass ond ali Schteindli of de Gass,
    es werded Boim ond Blüemli nass ond ali Schteindli of de Gass.
     

    Met de Fengerli

    Met de Fengerli, met de Fengerli,
    met de flache, flache Hand,
    met de Füschtli, met de Füschtli,
    met de Eleboge - ue, ond platsch!
     

    Liebs Büseli

    Liebs Büseli, liebs Büseli, bösi, bösi Chatz!
     

    De gohd of Afrika (Fingerversli)

    De gohd of Afrika,
    de luegt em truurig na,
    de seid ade, ade,
    de seid of Wederseh,
    ond de chli, chli Pföderi, de seid:
    Pass uuf, pass uuf, am Niil, do häds dänn grossi Krokodil:
    s'Mamakrokodil, s'Papakrokodil ond s'chliine, chliine Babykrokodil.
     

    Hopp, hopp, hopp

    Hopp, hopp, hopp, Rössli lauf Galopp,
    met em Wend ond met de Wälle
    semmer gschwend ond emmer schnäller,
    hopp, hopp, hopp, hopp, hopp, Rössli lauf Galopp.
     

    Wöschfraue (C / D / U)

    Zeiged oi Füessli ond hebed si wit ue,
    ond luege de flissige Wöschfraue zue:
    Si wäsched, si wäsche, si wäsched de ganzi Tag 2x

  • si rubbled
  • si hänked uf
  • si gletted ...
     

    • Zurück zur Übersicht

    babadi, Susanne Nuspliger, Unteraurüti 7, 8497 Fischenthal,
    Tel. 055 245 16 01 (Mo+Fr Morgen), SMS 076 405 36 92, info@babadi.ch, PC 87-541095-9